Por que?

Por que chuvia miúda?

A chuvia miúda, o orballo (babuña, babuxa, chuvisca, poalla, zarzallo), é un elemento máis que presente na paisaxe galega, esa chuvia compacta e fina que vai mollando pouco a pouco. Do mesmo xeito, este blog pretende ser un compendio de pequenas pingas que poden parecer de escasa importancia se as miramos unha a unha pero que pouco a pouco, todas xuntas, van calando.

Miúda tamén é a xente á que vai dirixido e que traballará na súa elaboración. Esta xente miúda ven a ser, en moitos casos, como unha esponxa que vai absorbendo unha pinga daquí e outra dacolá de maneira que paseniñamente van conformando a súa aprendizaxe e o seu desenrolo como persoas.

 

Que pretende?

• Ser un reflexo das actividades que se fan no centro e na propia aula.

• Proporcionar materiais de apoio ao ensino na aula.

• Recomendar lecturas de interese e novidades editoriais.

• Proporcionar frases e citas para a reflexión.

• Ser un espazo de conexión coa actualidade, de aprendizaxe na selección da información e de construción dun espíritu crítico.

• Ser un lugar de difusión de actividades de creación propia e de interacción con outros membros da comunidade educativa.

Advertisements