O 31 de outubro asistimos a un concerto didáctico no Auditorio de Santiago, unha adaptación da ópera “Guillermo Tell” de Gioachino Rossini. Aínda que é un estilo musical pouco coñecido para nós, estivo moi entretida e poidemos incluso interactuar cos protagonistas.
Aquí temos un vídeo que resume en imaxes co máis interesante da obra.
Este curso, os alumnos/as de 4º, 5º e 6º de E. Primaria participamos no Proxecto “Introdución á Robótica educativa en Primaria” para iniciarmonos xa dende os cursos máis baixos nunha actividade que en anos anteriores acadou numerosos éxitos por parte do alumnado de ESO, a nivel nacional e internacional.
Xa estamos a traballar dende hai unhas semanas co software de programación Scratch no que está baseado o programa MBlock da casa Makeblock que é a que subministra tódolos compoñentes necesarios para montar os robots cos que realizaremos os nosos proxectos.
O pasado día 25 de outubro presentouse na Cidade da Cultura, en Santiago, o citado proxecto aos 111 centros participantes, coa presenza do Conselleiro de Cultura. O noso colexio foi un dos cinco seleccionados para mostrarlles a todos eles as posibilidades que ofrece a robótica a nivel educativo e, certamente, resultou para nós unha experiencia moi interesante
Ligazón á noticia no Telexornal Mediodía da TVG
(A partires do minuto 56:09)
Un adianto do tema que imos ver nas próximas semanas na clase. Se hai algo que non entendas, non te preocupes porque o trataremos a fondo e cando volvas ver o vídeo unha vez rematado o tema, parecerache fácil.
Adiante!
Adícalle uns minutiños a ver esta vídeo-presentación sobre o Universo. Servirache para repasar todo o que vimos na clase sobre este tema.
Este vídeo aparece na presentación de Pablo onde explica en que consiste o altruísmo. Por se se che pasou por alto, volve a miralo aquí e lembra que é o que debes facer se queres poñer en práctica o altruísmo:
Na Biblioteca do Porviso xa tedes á vosa disposición os vídeos do Samaín e Magosto. Botádelle un ollo.
