RSS

Arquivo da categoría: Lingua Galega

A casa da luz

O pasado domingo, día 3, preestreouse no teatro Rosalía de Castro (A Coruña) a película de Carlos Amil “A casa da Luz”, baseada no libro do mesmo título do escritor galego Xabier P. Docampo. Esta foi unha das lecturas de aula do curso pasado que nos engaiolou a todos/as. Xa daquela comentaramos que a película estaba rematada e esperabamos poder vela no cine a non moito tardar. De momento non se vai estrear e salas comerciais por motivos que agora non veñen a conto pero parece que vai percorrer a maioría das cidades galegas en pases privados e dirixida en particular aos docentes, pois preténdese que sexa un instrumento didáctico e para a normalización do idioma. Esperamos ter a sorte de vela canto antes.

Déixovos unha entrevista asinada por X. Gómez para o Diario de Arousa e o Diario de Ferrol ao autor do libro, Xabier P. Docampo e a noticia publicada no xornal El Progreso con motivo da preestrea o pasado fin de semana.

Boas lecturas.

 
1 comentario

Publicado por o 08/04/2011 en É noticia, Libros, Lingua Galega

 

De catro a catro

De catro a catro” é o nome da obra máis coñecida do escritor rianxeiro Manuel Antonio. Traémolo hoxe aquí porque o pasado sábado inaugurouse e abriuse ao público a casa museo adicada ao chamado “poeta do mar” na súa vila natal, feito que constitúe, sen dúbida, un grande motivo de ledicia. Unha razón máis para achegarse a esta fermosa vila mariñeira e familiarizarse coa vida e obra do poeta. Algo terá Rianxo que foi quen de arrolar no seu berce a ilustres coma Manuel Antonio, Castelao, Rafael Dieste e Brea Segade.

O poeta do mar

SÓS

                                                                 Fomos ficando sós
                                                            o Mar o barco e mais nós 

                                                                 Roubáronnos o Sol
                                                             O paquebote esmaltado
                                                           que cosía con liñas de fume
                                                             áxiles cadros sin marco 

                                                               Roubáronnos o vento
                                                           Aquel veleiro que se evadeu
                                                          pola corda floxa d’ o horizonte 

                                                               Manuel Antonio. “De catro a catro”

 
Deixar un comentario

Publicado por o 31/03/2011 en É noticia, Libros, Lingua Galega